Cart

bastiyon mein ek sada-e-be-sada rah jaegi

bastiyon mein ek sada-e-be-sada rah jaegi

baam o dar pe naqsh tahrir-e-hawa rah jaegi

aansuon ka rizq hongi be-natija chahaten

KHushk honTon par larazti ek dua rah jaegi

ru-ba-ru manzar na hon to aaine kis kaam ke

hum nahin honge to duniya gard-e-pa rah jaegi

KHwab ke nashshe mein jhukti jaegi chashm-e-qamar

raat ki aankhon mein phaili iltija rah jaegi

be-samar peDon ko chumenge saba ke sabz lab

dekh lena ye KHizan be-dast-o-pa rah jaegi

Leave a Reply

Your email address will not be published. Required fields are marked *

Loading...