Cart

usne aahista se jab pukara mujhe

us ne aahista se jab pukara mujhe

  jhuk ke takne laga har sitara mujhe

tera gham is fishaar-e-shab-o-roz mein

hone deta nahin be-sahaara mujhe

har sitare ki bujhti hui raushni

mere hone ka hai istiara mujhe

ai KHuda koi aisa bhi hai mojaza

jo ki mujh par kare aashkara mujhe

koi suraj nahin koi tara nahin

tu ne kis jhuTpuTe mein utara mujhe

aks-e-imroz mein naqsh-e-diroz mein

ek ishaara tujhe ek ishaara mujhe

hain azal ta abad TuTte aaine

aagahi ne kahan la ke mara mujhe

Leave a Reply

Your email address will not be published. Required fields are marked *

Loading...